https://e.pcloud.link/publink/show?code=kZBbJX7Z4zn3Ib5S3OQCdchGWgP39Fht3qgy

「湯」的甲骨文
是被太陽曬熱蒸發的水
意思係熱的水，即溫泉

「浴蘭湯兮沐芳」
出自屈原的
《楚辭 · 九歌 · 其二 · 雲中君》

蘭湯係蘭草沁入其中
帶有香味嘅熱水

呢度嘅「湯」係熱嘅泉水

《禮記·月令》
「利以殺草，如以熱湯」
意思係呢個時候烈日曝曬積水
田入面嘅水溫度急遽升高
如同沸騰的熱水（熱湯）
草根喺呢種高溫熱水中浸泡
會徹底爛死，非常有利於除草

呢度嘅「湯」係曬熱咗嘅水

「子之湯兮，宛丘之上兮」
出自《詩經·國風·陳風·宛丘》
「湯」借為「蕩」
指舞姿輕盈迴旋、舞動不息嘅樣子

「四星若合，是謂大湯」
出自《前漢·天文志》

「四星若合」
指金、木、水、火、土五大行星中
有四顆星在同一個星宿
或極近度數內會聚
（即星象學上嘅「四星連珠」）

「是謂大湯」
三國時期學者晉灼註解：
「湯，猶盪滌也。」
「大湯」即是「大蕩」
意指天下將面臨劇烈動盪
清洗與政權洗牌

「除殘去虐曰湯
馬融又云：雲行雨施曰湯。」
出自《逸周書·諡法解》

「除殘去虐曰湯」
是《諡法解》原文明文
意思係能夠清除殘暴勢力
消滅虐政暴君（如商湯討伐夏桀）
讓天下百姓免受荼毒的人
死後可以被諡為「湯」
強調用武功與政治拯救的歷史功績

「馬融又云：雲行雨施曰湯」
這是東漢著名經學家馬融
對此作出的補充解釋
「雲行雨施」出自《易經·乾卦》
比喻恩澤普降
馬融認為「湯」字
有如雲行雨施般
廣散恩惠、滋潤萬物的意思
強調仁德與澤被蒼生的王道施政

《詩經·大雅·江漢》江漢湯湯

「江漢」係長江同漢水
「湯湯」係浩浩蕩蕩奔流

「上申之山，湯水出焉。」
出自《山海經·西山經》

上申之山嘅地理位置
大約在今中國陝西省北部一帶
（如米脂縣北山等地）

湯水發源於上申之山
向東注入黃河的一條古代河流
（北魏酈道元《水經注》亦有記載）

呢度「湯」係水嘅名稱

「湯谷湧其後。」
出自漢代著名文學家、科學家張衡
《張衡·南都賦》

湯谷非指神話中太陽升起的「暘谷」
而是指南陽當地的溫泉水
（或城北紫山附近冬夏常溫之水）

「湯谷湧其後。」
整句意思係溫泉之水
在南陽城的後方翻騰湧流
淯水（白河）在城前激盪奔流
前後水系環繞
形容地勢背山臨水、氣勢磅礡

《韻會》，廣南化外，唐置湯州
天寶時為湯泉郡

「廣南」在宋代以後
指廣南東路與西路
（今兩廣及周邊地區）
「化外」指的是中原王朝
直接統治邊疆以外區域
（多指少數民族或羈縻地區）

「唐置湯州」係大唐王朝
在該區域設置湯州
屬於安南都護府管轄的下州
治所在湯泉縣
轄境大約在今天越南的諒山省
北江省及廣寧省一帶

「天寶時為湯泉郡」
唐玄宗天寶元年（西元 742年）
唐朝推行行政區劃改革
將全天下的「州」統一改稱為「郡」
湯州在當時被改名為湯泉郡
（唐肅宗乾元元年復稱為湯州）

《廣輿記》記載，湯隂縣，屬彰德府

湯陰縣係河南省安陽市下轄的一個縣
古稱「蕩陰」
首批被命名為「千年古縣」

湯陰縣相傳係周文王
被囚、演繹《周易》的地方

商代屬商都畿辅之地
唐代以前長期稱為「蕩陰」
宋代抗金名將、民族英雄岳飛故里

「湯者，攘也，昌也。」
出自出自漢代劉熙的《釋名·釋飲食》

「攘」本義係推開、排除
呢度指嘅係熱湯具有驅散寒氣
排除體內邪氣或疾患者功效
古人認為喝下熱湯可以讓人發汗
把身體的寒涼與不適「攘除」出去

「昌」有昌盛、繁茂、陽氣旺盛意思
呢度指湯水溫熱、能振奮陽氣
使人體氣血暢通、精神煥發
呈現出欣欣向榮的「昌盛」狀態

呢度嘅「湯」係一碗養生嘅湯

廣東人最重湯水，尤其老火湯
將肉類、藥材或蔬菜
用明火或壓力鍋
長時間（約二至四小時）
慢火熬製而成的湯品

飲頭啖湯意思係搶先一步
拔得頭籌獲得利益

飲唔到頭啖湯，好易變成鹹蛋滾湯
鹹蛋黃滾湯後會變硬
用來比喻「心都實埋」

之後好可能變成唔湯唔水
即係湯煲到一半
未成湯但又唔係水
浪費材料又達唔到目的

換湯不換藥，呢度嘅「湯」係藥煲
意思係換咗個藥煲
入面嘅藥無換過
即係只做表面功夫

湯圓在先秦時期就出現
在大多數時候都叫做「元宵」
民國時期，袁世凱稱帝
「元宵」與「袁消」同音
下令湯圓不能叫做「元宵」

湯圓多數都有餡
無餡的空心湯圓
用嚟比喻無內涵或未能履行諾言

落湯雞唔係將隻雞放入湯內
而係殺雞後
提起雞腳，將整隻雞浸入熱水
在水中來回擺動
讓熱水充分滲透到羽毛根部
令到全身羽毛都濕透
撈出後趁熱立刻拔毛

「落湯雞」因此被用嚟形容成身濕晒

「落湯雞」喺明朝已經出現
明·天然智叟《石頭點》第六回：
「止子小船身一旺，立勿定
落湯雞子浴風波。」
意思係船兒一晃，站不穩便掉下水中
成為落湯雞了

我哋成日講嘅「網開一面」
係嚟自「湯去三面」

出自《史記·殷本紀》
商朝開國君主成湯有一次外出
看見郊外有人把捕獸網張掛成四面
祈禱說：「天上、地下
四面八方的動物，全掉進我的網。」

成湯見狀說：
「這樣是要把動物趕盡殺絕了！」
命令解開網子的三面，只留下一面
更改祈禱詞說：
「想往左邊逃的就往左邊逃
想往右邊逃的就往右邊逃
不聽從命令、自願送死，才入網。」

諸侯聽說這件事，都稱讚說：
「成湯的仁德已經達到極點
連禽獸都受其恩澤。」

後世將「網開三面」
演變成「網開一面」