https://e.pcloud.link/publink/show?code=kZ9hkrZPv1087uw1whP7FwRW1ff0QxqWRcX

而家唔係AI太勁，係人吹到AI變神。

最近一個所謂《霍去病》AI短劇。
一開始啲標題點寫？
「三個人、三千蚊、八十集、五億播放」。

我第一下聽，以為唔係影視製作，係開壇作法。

我哋做傳媒嘅，唔係睇標題，係睇事實。

《霍去病》AI短劇導演楊涵涵後來親自澄清：唔係三個人，係接近二十人團隊，唔係八十集，係兩條短片，一條四分鐘，一條六分鐘，三千蚊，只係算力成本，人工未計。

即係點？即係由「神話級製作」，還原返做人間級demo。

第一個要拆嘅位，就係數字點樣變戲法。

「三人」變「二十人」，「八十集」變「兩條共十分鐘短片」，「三千蚊成本」原來只係買代幣(Token)。

呢種講法喺商業世界有個名，叫「選擇性呈現」。
你講嘅唔一定係假，但你刻意唔講完整。

就好似酒樓嘅「一蚊雞」，真係一蚊一隻雞，但茶位雜費加埋可能收過百蚊。

第二個重點係AI被誇大到變萬能，好似核彈咁，㩒個掣就可以完成一切。

而家最流行一種講法：「學完AI，你就可以做專家」、「兩個鐘一日，月入幾萬美金」、「普通人都可以開一人公司」，

以上講法都唔係講大話，問題係有「但係」。
「學完AI，你就可以做專家」，問題係幾耐先至學完，就好似「書中自有黃金屋，書中自有顏如玉」一樣，有幾多人可以做得到。

「兩個鐘一日，月入幾萬美金」，同樣，如果係有過億粉絲嘅博主，一日做兩個鐘節目，月入幾萬美金實在太少。

「普通人都可以開一人公司」，唔用AI，普通人都可以開一人公司，日劇《深夜食堂》就係無用AI，一個人經營。

十多年前，王sir已推出「一個人的網台」，根本不需要AI幫手。

現在的「一人公司」叫做OPC （One Person Company），香港在五十年代，己有OFK（One Foot Kick，一腳踢。）。

AI只係工具，可提升效率，但未必能降低成本，除非能充份利用。
就像印刷機，可提升效率，但若無足夠印刷量，成本反而增加。

AI的成本非常高，現在因為是「爭佔有率」，所以是貼錢給用家，燒錢速度極快，最大問題是版權、肖像權、電力、散熱、運算力，隨用家愈來愈多，AI泡沫隨時爆破。

第三個重點係吸AI的血，恐懼行銷。

恐懼行銷是先製造焦慮：「AI會取代你。」

再提供出口：「只要你學我呢套方法，就可以翻身。」

最後呢？推出所謂「一學就會」課程，以傳銷手法，吸乾你的金錢。

第四個位，我覺得最值得講，就係搭雞棚。

AI《霍去病》就係一個雞棚，藉傳媒傳播不實數據，令AI《霍去病》爆紅。
到業內人士提出證據質疑時，就說是傳媒誤報，自己也是受害人。
這是雞棚慣用手法，一句不是我說的就撇清關係。

王sir也有用AI，經過多月實踐，初步結論是AI只可以做出作品的二三成，不能夠直接使用，其餘七八成都要用人手處理。

使用AI不是下個指令就完事，例如說「給我寫封求職信」咁簡單。而是要同AI講自己的履歷，應徵公司的背景，職位的要求等等。

與AI溝通的時間，可能較你自己寫求職信，花更長時間。

將AI說到可以取代人類，只是一個雞棚，為了這個雞棚，將AI設計成人形，以示AI可以取代人類。

AI只是一個「生成器」，就像炒菜機械人，你沒給牛肉及河粉，絕對炒不出乾炒牛河。

新事物出現，必定會取代舊有事物，現今簡單來說，就是職位被AI取代，原來任職的人就失業，因而對AI產生恐懼。

新事物出現，取代舊事物是必然的，但同時對被取代的也有好處。

例如，印刷以前是要「執字粒」，因用油墨印刷，油墨殘留在字粒上，執字粒的工友手就會染黑，俗稱「黑手黨」。

電腦排版及打字出現，「執字粒」成為時代眼淚，「黑手黨」全數失業。

這批失業的「黑手黨」，大都改為學習電腦排版及打字，工作較「執字粒」更輕鬆，也沒有離開本行。
不肯學習電腦排版及打字的少數，就只有離開本行，這是不肯學習進步的代價。

AI只是一種替代品，就像數碼相機替代菲林相機，高清視頻取代錄影帶、VCD，智能手機替代傳統手機，有人會抗拒嗎？有的，但不能因為咁，而要其他人一齊抗拒。
你喜歡用菲林相機，沒問題，但不能阻止別人用數碼相機。

對於AI，也不必過於恐懼，智能電話面世時，用家只有歡迎沒有恐懼，恐懼的只有仍生產傳統手機的生產商。
事實上，無論如何龐大的傳統手機生產商，不能轉型生產智能手機，只能被淘汰，但更多生產智能手機的生產商出現。
智能手機銷量較傳統手機多得多，創造更多職位。

AI就像智能手機，初面世時會令很多舊有職位消失，但隨即有更多新職位出現，說AI會消滅職位，只是危言聳聽。

記得九十年代，記者編輯要學中文打字倉頡輸入法，當時很多人都不願學，說語音輸入法很快就到來，三十多年過去，廣東話語音輸入法，仍是只聞樓梯響。
那些不學中文輸入法的記者編輯，最終被懂中文輸入法的取代，這是中文輸入法的問題嗎？

現在，AI如智能手機般橫空出世，與其因不去接觸而未能了解導致恐懼，何不循正途學習，看看AI是無所不能還是黔驢技窮。

知識改變運，你或許可改變AI的命運，只要AI「不死」，才會有進步。