https://e.pcloud.link/publink/show?code=kZWWcrZlEjpCPoNbgy7eEt6r0tiHm2QEBUk

工資最重要功能係保障基本生活，而唔係滿足高層「數字上的優越感」。

公務員用公帑加薪，應該有「社會優先次序」，先保障低層基本生活，再中層，最後係高層。

薪酬應以績效作指標，各部門有不同績效，各層級有不同績效，一刀切加薪只是為求方便的「大鑊飯」模式。

績效沒有固定標準，但可以由市民評分，類似網約車司機評分，乘客按司機表現評分，準確度高。

公務員事務局只需做一次各政府部門基準評分，以此作為起跑線。
翌年再評分，評分高的績效就高，評分低的績效就低，再按評分差距，作出薪金調查。
評分高1%的，加薪1%，評分低1%的，減薪1%。

翌年再按上一年結果為基礎評分，這樣就能做到績效與薪金掛勾。

有人話，評分制會令公務員壓力加大。
公務員有壓力，市民比公務員更壓力山大，正所謂「食君之祿擔君之憂」、「受人錢財替人擋災」。

若說公務員壓力大，起碼還是「鐵飯碗」，被解僱風險極低，有汗出無糧出絕不存在。

看甪私人企業，唔講邊個，就講馬斯克。

馬斯克嘅人工與績效綁死，一蚊底薪都無，去年達唔到業績目標、股價唔到位，係「零人工」。

公務員的壓力與馬斯克比，完全喺唔同維度。

高層公務員成日話薪酬要同私人企業高幹看齊，又話人工同私企相比，低好多，如果唔加多啲人工，佢哋就唔做公務員，去私企做。

佢哋真係以為自己係許仕仁？
政府高官之中，相信只有許仕仁先至有資格咁講，而佢亦的確嫌政務司司長人工太低，為曾蔭權捱完義氣後，就唔做。

話自己可以去私企做嘅高官，講咗咁多年，一樣係想退休後再翻閹，尸位素餐，呢啲係人辦。

睇返一啲退休高官，加入私人企業後，由高官變咗老闆「條僆」，壓力會細過做公務員？

私企唔單止係問責制，而係講績效，唔理老闆要求幾離譜都要達標，唔好話賺少咗或者搞出事。

公務員嘅老闆係市民，市民唔敢有離譜要求，公務員就算出錯，亦都只能無可奈可包容，皆因官字兩個口。

有時，到真係爆咗大鑊，市民先至知道來相關嘅公務員，可以話係無法無天。

發生重大事件後，無論係刑事檢控、死因庭研訊、調查委員會調查，稍為翻出內情，涉案的公務員，所作所為無不令人以為活在明朝錦衣衛時代。

涉案公務員，就算被刑事定罪，只要不是太嚴重，不會被解僱。
若不涉刑事，無論做法點離譜，一樣可以升職加薪。

公務員加薪，市民一般都無法表態，若非「宏福苑」事件，當局也不會理會市民感受，按「行之有效」嘅「既定標準」，參考私企加薪幅度，為公務員加薪。

行政長官李家超2025年在《施政報告》提出加強公務員評核機制，提到公務員事務局須建立「更嚴謹的評核機制」。

公務員事務局局長楊何蓓茵，每月現金薪酬約為三十七萬六千港元，除豐厚月薪外，局長級官員享有醫療及牙科福利，享有與公務員相同醫療待遇。
每年享有至少二十二天年假，在港獲配一輛汽車連司機，供公務及私人使用。

楊何蓓茵表示，公務員2026年加薪幅度，是行政長官會同行政會議考慮淨指標、香港經濟等六大因素，決定今年約十七萬公務員薪酬最終加幅。
高、中、低層薪酬趨勢淨指標，分別是4.12%、2.64%、1.17%。

按加薪4.12%，楊何蓓茵每月可多領薪金約一萬五千四百九十一元。

李家超月薪為港幣四十六萬九千四百九十五元，每月還可獲約港幣八萬二千元非實報實銷酬酢津貼，用以支付官邸公務款待開支。

按加薪4.12%，李家超每月可多領薪金約一萬九千三百四十三元。

楊何蓓茵說，政府將推行「公務員評核優化計劃」，引入類似常態分配的「拉Curve」評級標準。
最差5%無得跳薪，預計未來每年表現最差、且尚未到達頂薪點的至少 5%公務員，將不會獲發年度增薪點。
受影響未能跳薪人數，料將大幅增加，預計每年至少有六千五百名公務員受影響。

天下本無事，問題係今次公務員加薪，明顯是剝削基層，更他們成為高官的「背鍋俠」。

所謂「拉Curve」評級，是由上級為下屬評分，就算係包青天，都難免會有「偏差」，何況係高官。

「拉Curve」評級，最直觀結果係加劇官場「擦鞋文化」，「一人得道雞犬皆仙」，而不是實際反映能力及績效。

預料「拉Curve」評級實施後，將會引發大量「司法覆核」，訴訟費用可能高過加薪金額。