https://e.pcloud.link/publink/show?code=kZ47mX7Zs5JPrMYR7ekFzEQBuEpORROPrG1V

「道」喺甲骨文未出現
春秋時期侯馬盟書玉書先至見到
意思係人喺路上迎面而來
引申道路、規律

《周易‧繫辭上》一隂一陽之謂道
宇宙間萬事萬物
係一隂一陽相互運作產生
呢個就係「道」，即係自然規律

子曰：「道千乘之國，敬事而信。」
出自《論語·學而篇第五》
意思係治理擁有一千輛兵車嘅國家
必須嚴肅認真對待政事、講求誠信

呢度個「道」，係治理嘅意思

「道民之略，在於務本。」
出自《史記·孝文本紀》

意思是係
治理人民、引導百姓嘅關鍵策略
在於專心致力農業生產

呢度嘅「道」，係引導嘅意思

「風道北來，天乃大水泉。」
出自《山海經·大荒西經》

暴風自北方吹來
天空降下如瀑布泉涌般大水

呢度嘅「道」，係「途經」嘅意思

「牆有茨，不可埽也
中冓之言，不可道也
所可道也，言之醜也。」
出自《詩經·國風·鄘風·牆有茨》

「牆有茨，不可埽也」
「茨」即蒺藜，一種多刺野草
長在牆上掃唔走

「中冓之言，不可道也」
「中冓」係宮室入面、內室、臥房
「之言」比喻宮廷醜聞

「不可道也」意思係唔可以講出嚟

「所可道也，言之醜也」
呢啲宮闈內幕如果講出來
都係極其羞恥、難堪嘅

呢度嘅「道」，意思係講出來

「《易》之為書也，廣大悉備
有天道焉，有地道焉，有人道焉。」
出自《易傳》《繫辭下》

「天道」「地道」「人道」
合稱「三才之道」

「天道」係上天嘅規律
主剛健、氣與變動

「天道下濟而光明」
出自《周易·謙卦·彖傳》
意思係天道雖然尊貴高遠
卻能向下施恩、滋潤萬物（下濟）
功德彰顯，光明遠大

「地道」係大地運作規律
主柔順、厚實與成物
坤卦代表地
象徵大地承載萬物、柔順包容

「地道」喺建築方面指地下通道
技術方面，係純正可作標準

「人道」係人對自然嘅正確認識
佛教術語中，人類稱為「人道」
係輪迴六道或五道之一

「人道」現指尊重生命
「不人道」係唔尊重生命
「不能人道」係失去性交功能嘅人

「道可道也，非恆道也」
出自《道德經》第一章
意思係，規律（道）可以依從（道）
但規律（道）唔係恆久不變

「萬物之始，大道至簡，衍化至繁」
出自《道德經》

「萬物之始」係宇宙萬物
剛開始、最原始狀態

「大道至簡」
係規律極其簡單純粹

「衍化至繁」
隨時間推移與事物發展
簡單嘅規律、交織出千變萬化
極其複雜嘅現象與世界

「人法地，地法天
天法道，道法自然。」
出自老子《道德經》第二十五章

「人法地」係人要順應大地

「地法天」係地要順應天體運行

「天法道」係天要順應規律

「道法自然」係規律要順應自然

「道高一尺，魔高一丈」
原本係佛教術語，指修行到一定階段
誘惑與障礙會隨之增加
現多用來比喻正義雖然在進步
但邪惡勢力的手段也更加狡猾

「得道者多助，失道者寡助」
出自《孟子·公孫丑下》

呢度嘅「道」係仁政、正義、公理
實行仁政嘅君主能得民心
就是「得道」，反之為「失道」

「故君子之治人也
即以其人之道，還治其人之身。」
出宋代朱熹《中庸集注》第十三章

「道」係方法、道理
「治」係懲治、治理
意思係用嗰個人對付別人嘅方法
反過來對付佢本人
意思係「請君入甕」

「一人得道，雞犬升天」
出自漢朝王充《論衡·道虛》

漢高祖劉邦之孫
淮南王劉安長期修煉丹藥
期間製作出豆腐
最終煉成十粒仙丹
劉安服食五粒後升天（得道）
雞、犬搶吃餘下五粒仙丹
都一一升天

後世用嚟形容一人位高權重
同佢有關係嘅人都得到好處

「說曹操，曹操就到
當面錯過，豈不好道」
出自明清小說家毛宗崗
評點《三國演義》

東漢興平元年（公元194年）
曹操喺濮陽之戰
慌亂中迎面撞見呂布

呂布認唔到已經「改裝」嘅曹操
勒馬問：「曹操喺邊度？」

曹操隨手指了指前面說：
「騎黃馬、披紅袍嘅就係佢。」
呂布拍馬往前追趕
曹操因此死裏逃生

後人或評書笑話呂布
「說曹操，曹操就到」
但係就當面錯過
難怪會被人「說道」（笑話）

「道，不同，不相為謀。」
出自《論語·衛靈公》

呢度嘅「道」係價值觀
價值觀唔相同
得唔到互相接受嘅結果

「你走你嘅陽關道
我過我嘅獨木橋」

「陽關道」
係甘肅敦煌西南的「陽關」
通往西域嘅交通要道
雖然係康莊大道
但「西出陽關無故人」

「獨木橋」係架設喺河上嘅窄橋
多見於農村
雖然簡陋，但係方便往來

意思係你揀咗「陽關道」
即係「無故人」
我行「獨木橋」廣結善緣
無咗你呢個朋友，反而認識更多人

「生財有道」
出自《禮記·大學》
原文「生財有大道：
生之者眾，食之者寡，為之者疾
用之者舒，則財恆足矣。」

意思係生產財富有根本規律
創造財富嘅人要多
消耗財富嘅人要少
生產嗰陣要勤奮快速
花費嗰陣要有節制、舒緩
咁財富就會經常充足

「夫子自道」
出自《論語·憲問》
子曰：「君子道者三，我無能焉
仁者不憂，知者不惑，勇者不懼。」
子貢聽後說：「夫子自道也。」

孔子說君子應具備嘅
「仁、智、勇」三道
自己都沒有做到
學生子貢認為，這是孔子自我表白

「胡說八道」
魏晉南北朝時期
西域胡僧到中原
向漢人宣講佛教嘅「八正道」

「八正道」好深奧
聽唔明嘅漢人就話
去聽「胡人說八道經」
簡化為「胡人說八道」
再演變為「胡說八道」

意思係聽唔明佢講乜
再演變成對方用自己唔識嘅嘢
嚟到愚弄自己
簡稱「胡說」，即係無根據嘅講法

電影《倩女幽魂》主題曲《人間道》
歌詞有一百零三個「道」字
相信係一個紀錄