https://e.pcloud.link/publink/show?code=kZXRBy7Zfx48vpVeKhB1nKhNoxrbXk2KGG37

今集講「有」字

「有」字嘅甲骨文係一隻右手
古人相信，右手有兩佪功用
一係施予恩惠，一係作出懲罰
右手亦代表性情、意志、行為
發誓嗰陣舉起右手，就係咁嚟
「有」意思係具備能力同埋承擔

西周早期金文
喺右手下面加咗塊肉
古人日常很難吃到肉
手拿住肉，可以賣錢
「有」嘅意思，變咗持有、擁有

東漢時期許慎編著嘅《說文解字》話
「有」字「從月又聲」

許慎未接觸過甲骨文
用小篆「有」嘅字型嚟解釋
以為「肉」係「月」字

《詩經·小雅·十月之交》
「十月之交，朔月辛卯
日有食之，亦孔之醜」
意思係十月剛開頭，初一係辛卯日
呢一天出現日食，係好嚴重嘅凶兆

記載周幽王元年（公元前781年）
發生嘅一次日食
現代天文學家認為是
世界上最早可靠日食記錄之一

「日有」係太陽突然出現一啲情況

《詩經．玄鳥》
方命厥後，奄有九有
商之先後，受命不殆，在武丁孫子

意思係廣泛昭告各部落首領
擁有全部九州（奄有九有）
商朝嘅先王，承受天命不懈怠
武丁係武湯子孫入面最賢能嘅

《詩經·小雅·甫田》
「食我農人，自古有年。」
意思係攞出倉入面嘅陳糧
餵養辛勤嘅農人
自古以來，我哋年年都有好收成
「有年」意思係年年

《千字文》：推位讓國，有虞陶唐

「有」置喺國名或部族名前面
表示「據有此地」或「以此為名」

「有虞」即係佔有虞地
常見嘅仲有「有熊」、「有唐」
「有施」、「有鬲」、「有扈」

後代子孫或因國家滅亡、族群遷徙
直接以部族名中的美名或地名
簡化為單姓，如有施氏改為施姓

今集同大家講吓
同「有」字相關嘅詞語

有福同享有難同當
意思係有好處與大家分享
遇到困難嗰陣互相幫助

嚟自「苟富貴毋相忘」
《史記·卷四十八·陳涉世家第十八》
陳涉（陳勝）少時，嘗與人傭耕
輟耕之壟上，悵恨久之
曰：「苟富貴，毋相忘。」
傭者笑而應曰：
「若為傭耕，何富貴也？」
陳涉太息曰：
「嗟乎！燕雀安知鴻鵠之志哉！」

「燕雀安知鴻鵠之志」由此而來

白話意思係陳涉年輕時候
靠給人種地（庸耕）為生
有一天他同另一小夥伴去耕地
站到田埂上惆悵好一陣子
回過頭來對夥伴講：
「我如果哪天發達了
一定不會忘記你。」

小夥伴譏諷陳涉道：
「你一給人種地的
發咩嘢達，富咩嘢貴？」
陳涉嘆一聲道：
「哎！像你呢啲燕雀
邊會知道我呢種大雁天鵝志向！」

持之有故言之有理
意思係立論有根據，講嘅嘢有道理

出自戰國時期趙國思想家
荀況著作《荀子·非十二子》
原文為「縱情性，安恣睢
禽獸之行，不足以合文通治
然而其持之有故，其言之成理
足以欺惑愚眾。」

冤各有頭債各有主
比喻處理事情必尋負主要責任嘅人

明·施耐庵《水滸傳》第二十六回：
「武松捋起雙袖
握着尖刀，指何九叔道：小子粗疏
還曉得冤各有頭，債各有主
你休驚怕，只要實說
對我一一說知武大死的緣故
便不干涉你！」

有冤報冤有仇報仇
古代社會輿論高度讚賞復仇行為
「仇而不復則人道滅絕，天理淪亡」

先秦時期復仇不為國法所禁
元律規定子復仇免罪且仇家付燒埋銀
明律清律規定登時殺死凶手可以免罪

「燒埋銀」又稱「燒埋錢」源於元代
加害人因故致人死亡，除接受刑罰外
必須另外支付被害人家屬一筆金錢
用來補貼辦理喪事與安葬死者費用

宋朝採「奏取敕裁」制度
情有可憫案件，上報皇帝聖裁

《水滸傳》二六：
武松雖是粗鹵漢子，便死也不怕
還省得有冤報冤，有仇報仇
並不傷犯眾位，只煩高鄰做個證見

善有善報惡有惡報
源自佛教因果報應嘅講法
強調善惡行為終將獲得相應結果
報應時間具有唔確定性

最早書面記載見於元代無名氏雜劇
《龐居士誤放來生債》楔子部份
原文「善有善報，惡有惡報
不是不報，時辰未到。」

天有不測風雲人有旦夕禍福
意思係世事無常禍福難料

北宋宰相呂蒙正《破窯賦》
「天有不測風雲，人有旦夕禍福
蜈蚣百足行不及蛇
家雞翼大飛不及鳥
人有凌雲之志，非運不能騰達。」

事有必至理有固然
事情係必然會發生
道理本來就係咁樣
某啲嘢無論點樣防止，都會出現
呢啲係按照事物固有規律發生
無法改變

現代叫做「墨菲定律」
要發生嘅嘢一定會發生

最早出自《戰國策·齊策四》
孟嘗君被齊王驅逐後又復位
他返回齊國邊境時
門客譚拾子迎上前問他
是否怨恨齊國嘅士大夫
孟嘗君坦言想殺呢啲人

譚拾子問佢
係咪知道「事有必至，理有固然」
解釋道：「事之必至者，死也
理之固然者
富貴則就之，貧賤則去之。」

只有死亡係一定會發生
而道理就係咁樣
一般人會靠攏富貴嘅人
離開貧賤嘅人

有家難奔有國難投
意思係走投無路

《水滸傳》第十一回：
「誰想今日被高俅這賊
坑陷了我這一場
文了面，直斷送到這裏
閃得我有家難奔，有國難投
受此寂寞。」

人外有人天外有天
比喻強中更有強中手
勸戒人唔可以自滿自大

《濟公傳》第一八八回：
「豈不知泰山高矣，泰山之上還有天
滄海深矣，滄海之下還有地
人外有人，天外有天
做事膽要大而心要小
智要圓而行欲方
見狸貓而當虎看，方保無虞。」

尺有所短寸有所長
意思係人或事物各有長處與短處
無絕對完美

戰國·楚·屈原《卜居》：
「夫尺有所短，寸有所長
物有所不足，智有所不明
數有所不逮，神有所不通。」

尺有所短，寸有所長：
尺雖然長，但跟更長嘅嘢比就顯短
寸雖然短，但跟更短嘅嘢比就顯長
比喻各有優缺點

物有所不足：世上無完美無缺事物
智有所不明：再聰明嘅人
都有睇不清、想唔透嘅時候

數有所不逮：占卜算卦嘅術數
都有達唔到、算唔準嘅地方

神有所不通：神靈都有無法顯靈
或無法通曉嘅嘢

門門有道道道有門
各種行業，各有各嘅訣竅

門門：各行各業
道：門道
道道：辦法
門：竅門

詩中有畫畫中有詩
描寫景物的詩，令人如置身圖畫當中
圖畫雖然無字，但美得像詩

出自宋·蘇軾《東坡題跋·
書摩詰〈藍田煙雨圖〉》：
「味摩詰之詩，詩中有畫
觀摩詰之畫，畫中有詩。」

靡不有初鮮克有終
有好嘅開頭，未必有好嘅結果
告誡為人做事要善始善終

《詩經·大雅·蕩》：
「蕩蕩上帝，下民之辟
疾威上帝，其命多辟
天生烝民，其命匪諶
靡不有初，鮮克有終。」

意思係暴虐無道的上帝（周厲王）
作為萬民君主，把法度搞得很混亂
政令有唔少係歪斜不正
天命對於所有嘅人，並唔係始終如一
開始承受天命嗰陣，無乜嘢唔好
但好少可以有善終

後世據此引申出成語
「人非聖賢，孰能無過」

公說公有理婆說婆有理
比喻雙方爭執嗢陣各執一詞
都認為自己有道理

出自1935年朱自清《公園》
「英國是個尊重自由的國家
從倫敦海德公園可以看出
學政治的人一定知道這個名字
近年日報的海外電訊裏
也偶然有這個公園出現
每逢星期日下午，各黨各派的人
都到這兒來宣傳他們的道理
公說公有理，婆說婆有理
井水不犯河水。」

顰有為顰笑有為笑
意思係皺眉或歡笑都有具體原因

《韓非子·內儲說上》：
「吾聞明主之愛一嚬一笑
嚬有為嚬，而笑有為笑。」

日有長短月有死生
字面意義係一天時間長短存在變化
月亮呈現圓缺變化
用以描述自然現象嘅動態規律

出自《孫子·虛實篇》
「四時無常位
日有長短，月有死生。」

常將有日思無日莫待無時思有時
最早可追溯至南宋《名賢集》

物資豐富、生活富足嗰陣
要考慮到未來可能出現嘅匱乏和困難
從而做到居安思危、厲行節約
避免失去一切後追悔莫及

惜衣有衣惜食有食
意思係愛惜衣服，才有衣服穿
愛惜糧食，才有糧食吃
意在勸告世人要珍惜財物

明·馮夢龍《警世通言》卷三
「怎麼說福不可享盡？
常言道：惜衣有衣，惜食有食。」

上有天堂下有蘇杭
讚譽蘇州、杭州兩地
自然景觀與人文風貌
可與天堂相比

最早見於南宋范成大《吳郡志》
原文為「天上天堂，地下蘇杭」

有其父必有其子
意思係兒子性格或行為與父親相似
《孔叢子·居衛》：
「有此父斯有此子，人道之常也。」

有一利即有一弊
意思係事物有利一面
必然有不利一面
事物具有正反兩面性
有利處必然伴隨弊病

清·吳趼人《二十年目睹之怪現狀》
第四十六回：
「天下事有一利即有一弊
那裏有沒有弊病的道理。」

人有不為也而後可以有為
意思係有啲嘢係必須做
有啲嘢絕對唔可以做的
做應該做嘅，唔做唔應該做嘅

《孟子》卷八離婁章句下八：
「人有不為也，而後可以有為。」

意思係人必須先捨棄
唔做某些唔應該做或分心嘅嘢
然後先至可以喺重要嘅嘢有所作為