https://e.pcloud.link/publink/show?code=kZzNEoZmo3DREbIEKXjQ1I1LlTo802U9yEV
今集講「文」字
呢個字喺甲骨文
係一個人，正面企喺度，張開四肢
胸口位置加咗一啲交叉、V字
甚至心形嘅記號
呢啲就係紋身
古人喺胸口，刺上花紋
一啲交錯嘅圖案
萬物身上，都帶住「基因紋路」
「基因紋路」係受遺傳基因控制
形成嘅身體紋理
最典型例子係指紋、掌紋、皮紋
科學研究指出
呢啲皮膚上嘅獨特紋路
主要由基因同發育過程共同決定
係與生俱來嘅紋印
《史記集解》
經常在水中活動嘅種族
剪掉頭髮，在身上「文」上鱗紋
扮成蛟龍咁嘅樣
嘅水入面可以免遭侵害
「文」係一種保護色
人類從母系氏族開始
一妻多夫，男性只係生殖工具
孩子生下來，唔知道邊個係父親
女孩長大後留喺部落
男孩長大後要驅逐出群
為區分係邊個阿媽生嘅
在男孩身上「文」上阿媽嘅標記
慢慢發展成部落圖騰
由圖騰再變成姓
「文」係一種，刻喺身上
畀人一眼認得出係邊個
屬於邊一族嘅記號
《禮記·王制》：
東方曰夷，被發文身，有不火食者矣
南方曰蠻，雕題交趾，有不火食者矣
住喺東方嘅民族叫做夷
習慣喺身上刺花紋，剃光頭髮
有啲人唔吃熟食
住在南方嘅少數民族叫做蠻
額間刺花紋，走路嗰陣兩腳腳趾相向
有啲人唔吃熟食
紋身就係「文」
《說文解字》：文，錯畫也。象交文
即係話，「文」呢個字
本身就係畫嗰啲交錯嘅線
交錯嘅花紋
《易·繫辭》
道有變動故曰爻
爻有等，故曰物
物相雜，故曰文
文不當，故吉凶生焉
天道，人道、地道嘅變動叫做爻
爻有上下唔同等級
出現萬物唔同貴賤嘅類別
類別交錯，叫做文
文出現不當，產生吉凶現象
《周易·賁卦·彖辭》
剛柔交錯，天文也
文明以止，人文也
觀乎天文，以察時變
觀乎人文，以化成天下
「天文」指陰陽迭運
剛柔交錯嘅自然變化過程同埋法則
「人文」係人類製作嘅
禮樂典章制度
對人嘅行為嘅規範教化作用
「天文」或天道自然法
係人類應當效法嘅對象
順應時變而形成天下
《左傳．僖公二十三年》
楚子曰：晉公子廣而儉，文而有禮
即係話呢個人
胸襟廣闊，生活簡樸
外在表現溫和、有才華、有氣質
謙和、有節制
合乎尊卑分寸嘅行為準則
呢度個「文」
由外在嘅記號
變成內在嘅品格
《論語·憲問》
敏而好學，不恥下問
可以謂之文矣
以德行著稱嘅魯國大夫公叔文子
提升僎為大夫後同佢平起平坐
孔子認為這表現出
公叔文子嘅文雅和德行
足以稱之為「文」
呢度嘅「文」
係文雅，有德行嘅意思
文明係一種需要學習
係大家遵循嘅社會群體交往規則
有高低之分
文化係與生俱來嘅習慣
無好壞之別
文物喺中國最早係指禮樂制度
《左傳·桓公二年》
夫德，儉而有度，登降有數
文物以紀之，聲明以發之
以臨照百官
白話文就係
所謂道德，係要節儉有法度
增減有定數，用圖紋形象嚟表示佢
用聲音顏色嚟彰顯佢
呢啲係用嚟昭示百官
古時君王、大臣死咗後
謚號一般都由禮部官員議定
請新即位的皇帝批准
大致可分為表揚、批評、同情三大類
謚號「文」已經係一種最高嘅稱讚
代表一個人，修養夠深，學問夠廣
第一個謚號文嘅係西周文王姬昌
最後一個係文皇帝清太宗皇太極
一共五十七個
《千字文》：始製文字，乃服衣裳
《說文解字·敘》：
黃帝之史倉頡，見鳥獸蹏迒之跡
知分理之可相別異也，初造書契
白話文就係，傳說黃帝史官倉頡
發現獵人看到雪地、泥地上
鳥獸留下的腳印
可辨別係乜嘢鳥、獸走過了
佢得到啟發
用刻畫符號把事物描畫出輪廓特徵
留畀唔在場嘅人睇
或傳畀其他地方嘅人睇
仲可以留畀後來嘅人看
倉頡造出各種刻畫符號
呢個就係最初嘅象形「文」
文字本身係一種「有意義嘅紋路」
中國文字喺形體上
可概括為由圖形變為線條筆畫
由複雜變為簡單
發展過程經歷古文字
甲骨文、金文、篆文
隸、楷兩大階段
古文字起自商代以前，終於秦代
今文字起自漢代，一直延續到而家
「文」同「紋」
本來係同一個字
宋代嘅人加咗個「絲」字邊
造出「紋」呢個字
用嚟講「花紋、紋理」
「文」同「紋」開始分家
「文」專講文化、文字、文章
「紋」專講紋理、紋路、紋身
廣東話，「十蚊」、「一蚊」
嗰個「蚊」，源自魏晉南北朝時期
最小貨幣單位
一個銅錢叫「一文」
一貫錢通常折合一千文
明清時期
一兩白銀可兌換一千文至千六文不等
明朝中期六文錢可買兩個雞蛋
一文錢可買一斤豆腐
康熙年間一文錢可買兩個燒餅
「一文」或「一文錢」
喺中國古代官場文化入面
常被用嚟衡量官員清廉與否嘅標尺
衍生出好多廉政故事
東漢「一錢太守」劉寵
離任時僅取百姓一錢留念後投江
北魏「十錢主簿」拓跋慶智
因辦事必索十錢而得名
宋代張乖崖
因「一日一錢，千日千錢」
判斬殺庫吏
明朝蘇州山塘街一些文人雅士
經常聚集喺一個遛鳥園入面
一名財主向畫家沈周索畫被拒
搵僕人假扮成貧苦讀書人
向沈周求畫
話將畫出售後用來醫老母親
沈周畫了一幅《百鳥圖》畀佢
有一天，牆上掛咗沈周畫嘅
一幅《百鳥圖》
旁邊標咗價錢，係一個啞謎：
有一弔錢（一百文）和一個瓦罐
瓦罐內裝有九十九文，罐口上有一文
聲稱邊個猜得出一共有幾多文
畫就送畀邊個，招來唔少人圍觀
吳方言中，值的發音與入相同
瓦罐裝了九十九文
一文在罐口未入罐內
諧音雙關「一文不值」
意在嘲諷沈周的畫一文不值
沈周對眾人說：既然一文不值
這幅畫就歸我了
說完伸手揭下畫作離開
成語「一文不值」由此而來
明嘉靖年間，江南布政司參議錢嶫
在宅門上撰寫一聯
要求下屬衙門都仿照張貼：
寬一分民受一分，見佑鬼神
要一文不值一文，難欺吏卒
意思是說對百姓寬厚，必有鬼神保佑
向百姓勒詐，矇蔽不了吏卒
這位耿介正直官員
為官場不容，任期未滿，即遭罷黜
清代湯斌因一文錢識人品
罷免即將上任嘅縣尉
清初探花葉方靄
因欠繳一文錢賦稅被革職
留下「探花不值一文錢」典故
清代名臣張伯行的《禁止饋送檄》
一絲一粒，我之名節
一厘一毫，民之脂膏
寬一分，民受賜不止一分
取一文，我為人不值一文
誰云交際之常，廉恥實傷
倘非不義之財，此物何來？
白話大意：收下別人送的一絲一粒
就會損傷自己清白名節
拿百姓一厘一毫
都是在刮取人民血汗錢
少拿一文錢、對百姓寬容一分
百姓得到的恩惠就更多
自己若多拿了一文錢
自己嘅人格就一文不值
唔好話送禮係日常交際
其實大傷廉恥
如果唔係不義之財
呢啲禮又點會送到你手上？
今集同大家講吓同文有關嘅詞語
文火係火力最小嘅火
差一點點火就要熄滅
主要用途用於中醫煎藥
烹飪料理同埋氣功修煉
藉由溫和緩慢嘅熱力達到入味
軟爛或調息效果
文無第一武無第二
文章係一山還有一山高
唔可以得到第一就止步
否則就會畀人追上
武無第二同條命有關
如果無把握贏就唔好郁手
文抄公鍾叔河係著名出版家、作家
最出名的是編輯出版
周作人、曾國藩嘅作品
鍾叔河《念樓小抄》
引述一兩段古詩文
然後續上一段議論文字
用作者自己的話叫做「抄後感」
現在的文抄工已變成「搬運工」
將別人的作品
在網路上當作自己的作品發放
香港高等法院原訟法庭法官陳嘉信
喺判詞入面
大篇幅「司法抄襲」訴訟方陳詞
2026 年 7 月
再次遭到終審法院首席法官張舉能
高等法院首席法官嚴肅訓誡
要求接受針對性培訓
陳嘉信喺原訟庭十年
做文抄公抄陳詞
衍生十宗上訴案同埋一宗投訴個案
發表迴響