https://e.pcloud.link/publink/show?code=kZrtDoZI0OA5tOtiYk1JLlGrUWR4bC1Idj7

今集講「人」字

甲骨文嘅「人」
頭微微向前，身體有少少彎
下面兩隻腳一前一後
係一個側身企喺度嘅人

「人」就係人類
雙足直立，兩手靈活嘅生物

《列子·黃帝篇》
有七尺之骸，手足之異
戴髮含齒，倚而趣者，謂之人
而人未必無獸心
雖有獸心，以狀而見親矣

七尺之骸指身高約七尺的軀體
古時一尺約合現在的23公分
七尺大約係成年人161公分身高

手足之異指人類擁有
區別於其他動物的手和腳
手能靈活操作，腳能直立行走

戴髮含齒指頭上長毛髮
口中長有牙齒，這是人類顯著特徵

倚而趣者意指能夠
直立行走、奔跑或活動的人
「趣」同「趨」，係奔走意思

有啲人睇落係人
實際上佢嘅思想
情緒、想法比猛獸仲要壞
明知道呢個人係壞，因為個係人
所以就唔察覺佢嘅獸心同佢好親近

楊朱係戰國時期哲學家
有一次將老子請到家中，尊敬請教

老子說，禽獸未必無一顆人心
佢哋雖然有人心，但外表同人唔同
人都係會疏遠佢嘅

伏羲氏、女媧氏、神農氏、夏后氏
全是蛇身人面、牛頭虎鼻
無人嘅外表，佢哋有至高無上嘅聖德
夏桀、殷紂、魯桓、楚穆呢班人
形狀外表都同人一樣
但係就生咗禽獸嘅心
只睇外表而以為佢哋都有德行
咁唔係上當嗎？

人面獸心由此而來
另外還有人心隔肚皮
意思係人嘅心思
就好似肚皮一樣隔咗一層
別人無法直接睇到
形容人嘅內心思想同真實意圖
難以被外人瞭解或猜測

出處喺清代錢彩《說岳全傳》第四回
虎豹不堪騎，人心隔肚皮
休將心腹事，說與結交知！

去到金文、篆書
慢慢變成兩筆：一撇，一捺
已經係不成「人」形

《說文》：人，天地之性最貴者也
此籒文，象臂脛之形

意思係人類係宇宙萬物中
具有靈性且最為尊貴
「人」係一個象形字
一撇代表人嘅手臂（上肢）
一捺代表人嘅脛（小腿與下肢）
呢個字形凸顯
人類特有嘅「直立行走」姿態
將雙手同雙腳功能區分開來

《禮記·禮運》
故人者，其天地之德
陰陽之交，鬼神之會，五行之秀氣也
故人者，天地之心也，五行之端也

意思係人係天地嘅德行
陰陽二氣交融
鬼神結合，五行秀氣
強調人嘅存在係天地自然精華產物
具有獨特價值與地位
所以，人係天地內核，五行起始

人為萬物之靈
《尚書·周書·泰誓》
惟天地萬物父母，惟人萬物之靈
意思係只有天地能哺育出世態萬物
世間萬物中只有人具靈氣

兩個人字上下相沓成為「仌」
意思係水結冰，係冰嘅本字

兩個人字平排成為「从」
「从」唔係簡體字
甲骨文嗰陣已經有
兩人前後相從，意思係跟從

三個人字，上面一個，下面兩個
構成「众」字，係近代嘅簡體字
原本係個「眾」字

四個人字「𠈌」
係「虞」嘅古字或異體字

《六書統》：
古文虞字。騶虞也。象白虎黑文

騶虞生性仁慈，青草也不忍心踐踏
唔係自然死亡嘅生物不吃

《同文備考》：𠈌者，守山澤之吏
𠈌象山澤險隘

「𠈌」係西周一種官職
負責管理山澤禽獸

《山海經》卷一二《海內北經》：
林氏國有珍獸，大若虎，五彩畢具
尾長於身，名曰騶虞，乘之日行千里

五個人字唔係「伍」，係「盜」

「五人為盜」
核心含義係指五個人聚集埋一齊
足以構成強盜集團

《睡虎地秦墓竹簡》記載
秦律對共犯嘅處罰非常嚴格
共盜係只要五個人以上共同偷竊
唔理贓物金額多少，都會被加重處罰
通常係黥為城旦
即係喺臉上刺字並服苦役

《莊子·胕篋》
著名的「盜亦有道」對話中
古代著名強盜頭目盜跖
論述強盜嘅「聖、勇、義、智、仁」

後世文人常藉此類推：
五個人聚埋一齊做壞事
能分工合作、自成體系
形成一個小型罪惡社會

五個人字嘅「盜」
比三個人字嘅「眾」仲多兩個人
網路常誤用「盜」嚟代表「好多人」

《千字文》：龍師火帝，鳥官人皇

《帝王世紀》：天地開闢
有天皇氏、地皇氏、人皇氏

《拾遺記》卷一：
昔者，人皇蛇身九首，肇自開闢
於時日月重輪，山明海靜

人皇氏兄弟九人分掌九州
確立上古大九州地理概念
開創「居方氏」時代

司馬貞《三皇本紀》記載
人皇氏傳位一百五十世
歷時四萬五千六百年
後由提挺氏繼承統治

唔少詞句同「人」字相關

人為刀俎，我為魚肉
出自《史記·項羽本紀》
「如今人方為刀俎，我為魚肉。」
刀俎係剁肉嘅刀同埋砧板
魚肉係魚同埋肉類
比喻生殺大權掌握喺別人手中
自己處於被宰割位置

人無橫財不富，馬無夜草不肥
出自《增廣賢文·上集》
意思係無意外之財就難以富裕
馬沒有夜間額外的草料就難以肥壯

誰人背後無人說，哪個人前不說人？
出自《增廣賢文·上集》
人前議論人，背後被議論
呢個係人情之常，唔使大驚小怪

人怕出名豬怕壯
人出咗名就會招來許多麻煩
就像豬肥了要屠宰一樣
《紅樓夢》第八三回：
俗話兒説的，「人怕出名豬怕壯」
況且又是個虛名兒

人模人樣／人模狗樣
譏諷人嘅外表同品性或行為唔相稱
人為咗得到利益，好似狗咁討好主子
香港俗語，有人唔做去做狗

不當人子係蘇皖方言
意思是唔應該咁樣做
《西遊記》第二四回：
「兄弟再莫題起，不當人子！
從今後，再也不敢妄為。」

《初刻拍案驚奇》卷九：
「劉兄惡取笑！不當人子！
怎麼把一個死人背在家裏來嚇人？」

雖生人世上，未得謂之人
北宋．邵康節《戒子孫》
至寶明珠非有纇，全珍良玉自無瑕
為珠為玉尚如此，何況為人多過差
又云：有過不能改，知賢不肯親
雖生人世上，未得謂之人

白話文意思係
最貴重嘅珍珠要無雜質
完整珍稀嘅良玉無瑕疵
珠玉尚且如此要求
身為人怎能有過錯缺失呢？

又說：有過失不改正
又不肯親近智者賢能的人
雖然活在人世，也稱不上是人

今日送大家一句
人面獸心人模狗樣