https://e.pcloud.link/publink/show?code=kZq08cZjul4Q2iOhJ8aNdg5Osa7MQVWwVA7

今日我哋講一個好日常，好有層次嘅「果」字。

「果」唔單止係蘋果、芒果咁簡單？

先睇字形。

追溯去甲骨文，未必有一個好標準、獨立嘅「果」字，去到金文、小篆，開始清晰：上面係「田」，下面係「木」。

點解係「田」加「木」？

「木」好易理解，係一棵樹，上面嗰個「田」唔係田地，而係結實纍纍，好似一格格咁掛滿果實。
一棵樹上面結滿一粒粒果子，就變成「果」。

「果」最原始嘅意思，就係樹上結出嚟嘅實。

重點係個「實」字，唔係花，唔係葉，係個「果」「實」咗。

「果」慢慢衍生出另一個好重要嘅意思，結果、後果。

先有「實」，再有「果」，呢個就開始同《易經》扯上關係。

《易經》好強調因果關係，雖然佢未必用「因果」呢兩個字，但佢講「吉凶悔吝」，就係做咗啲乜，落「實」之後，最終會得到咩結果。

《易經》講：「積善之家，必有餘慶；積不善之家，必有餘殃。」
「餘慶」、「餘殃」，就係「落實」後嘅結「果」。

今日種落去嘅種子，唔會即刻「落實」，但預計會結出「果」嚟。

好似種樹咁，唔會朝種樹晚𠝹板。

講返經典用法，「果」喺古文入面，有幾個常見意思。

第一作名詞，就係水果，《詩經》中出現大量植物果實，透過「賦、比、興」手法，以桃、李、木瓜等果實表達愛情、婚姻與酬答之情，同時反映西周至春秋時期的自然生態與常民飲食。
最著名為《國風・衛風・木瓜》、《國風・召南・摽有梅》、《國風・召南・甘棠》。

第二作動詞，解作「成就、實現」，例如「果其志」，即係最終達成志向，「果腹」即係食飽。

第三作副詞，用嚟表示「果然」，例如「果不其然」，即係事情真係如預期發生。
《戰國策·楚策一》「楚果弗與地」，意思是「楚國果然沒有把土地給齊國」。

去到《千字文》呢一句：「果珍李柰，菜重芥姜。」

呢度嘅「果」，就係最基本、最直白嘅水果。

「果珍李柰」，意思係水果之中，以李子同柰子（古代蘋果）最為珍貴，可以當佢係一個古代「生果推介排行榜」，李同柰係當時嘅名牌水果。

下一句「菜重芥姜」，就講蔬菜之中，以芥菜同薑為重。

成句係講，食材都有高低之分，有啲被視為珍品，有啲被視為重要調味。

再諗深一層，點解「果」會擺喺「菜」前面？

因為「果」代表收成，代表結果，古人好重視「結果」呢件事，做嘢最緊要係有無「果」。

廣東話都有好多講法。
「有因有果」：你做過嘅嘢，唔會無聲無息消失。
「你咁樣做，遲早有果報。」即係有後果。

仲有一句幾傳神：「開花唔結果」，即係講一啲嘢表面好靚，但最後無成果。

廣東俗語，有唔少同果有關。
食檸檬：表白或邀請異性約會遭到拒絕，感到極其尷尬。（源自六十年代香港舞會文化，邀請跳舞遭拒意味「面檬」）。

食白果：白忙一場，毫無收穫、徒勞無功。（古代「白果」亦指雞蛋，象徵拿到零分/零雞蛋）。

得個桔：「桔」在粵語中與「吉」同音，指白忙一場、甚麼都沒有得到，引申空置，例如吉屋、吉舖。

籮底橙：被挑選剩下的、質素較差貨色，常用來形容年齡較大未婚女性，有貶低或調侃之意。

廣東話口語中，還有一套特殊的「水果髒話」或順口溜。

柑蕉桔梨籮柚：這是廣東話最經典押韻罵人順口溜，用各種水果名稱的諧音來代替粗口。（下句是雁鷲鵰狸獅狒）

杏加橙：用「杏加橙」諧音，罵人全家的惡毒粗口。

睬你都生芒果：表達極度不屑、完全不理會、不想搭理對方的態度。
「生芒果」是醫學上的「橫痃」（腹股溝淋巴結腫大），是性病併發症。這句話意思是「理你，我就會染性病！」

放返落現代更加貼切。

做內容創作、做投資、做人際關係，全部都係，今日種咩，將來收咩。

問題係，現代人好急，唔係即刻見到「果」，就以為無用。

最後用「果」字，送大家一句：「種善因，得善果，心急者，難成果。」