https://e.pcloud.link/publink/show?code=kZCd5cZ0hvnoKmsV2XxSNlr35MWbu1Y49RX

今集《每集一字》，我哋講嘅係一粒好細，但喺中國文化入面又好「貴氣」嘅「珠」字。

講起「珠」，十居其九都係「珍珠」，珠寶、珠璣、珠玉、夜明珠，由古至今都係財富、美感、罕有嘅象徵。

我問你，珠點解會同「火」拉上關係？點解好多經典會用「珠」去比喻文字？

「珠稱夜光」入面嘅珠，又有幾多層含意？

今集我哋由字形講到故事，再由《千字文》拉返去你而家見到嘅世界。

《說文解字》講得好白：「珠，蚌之陰精。」
即係話珠係蚌殼入面凝聚出嚟嘅精華。

配合現代知識去睇，亦係對路，有細沙或者異物入咗蚌殼，蚌體受到刺激，慢慢分泌一層一層物質包住，久而久之，就變成一粒圓潤、有光澤嘅珠。

字形方面，「珠」係一個形聲字，左邊「玉」旁，表意屬於美玉、寶石呢一類嘢

右邊「朱」作聲符，提供讀音。

造字嗰陣，已經清清楚楚，呢樣係「玉類」物，要放喺「寶物」嗰個系統度理解，唔係普通石頭

古書仲有一句好出名嘅說法：「珠足以禦火災。」
古人相信某啲珠，喺占卜、方術、信仰入面，有避火、辟災功用。

珠嘅價值不單係金錢，而係象徵「護佑」同「神秘力量」。

講到「珠」，經典入面有幾條好清晰嘅路線。

早期文獻，好多係實物描述：《書經·禹貢》講「淮夷蠙珠暨魚」，都係講水域出產珍珠、海產

之後歷代都有「珠市」、「珠澤」、「珠崖」呢啲地名，全部同產珠有關

仲有各種傳說：蠙蚌之珠、龍頭、蛇口、魚眼之珠、夜明珠、辟寒珠、辟塵珠……

好多未必係科學意義嘅「珍珠」，反映古人對「圓、光、罕有」呢啲特質，有一種天生嘅崇拜。

延伸到汗珠、淚珠、露珠，「珠」就唔淨係指蚌殼嗰啲。

凡係「圓、透、亮、成粒」嘅嘢，都可以叫珠：汗珠、淚珠、露珠。

例如蘇軾一句：「白雨跳珠亂入船。」
雨點大到好似珍珠咁彈入船艙，畫面感好強。

唐代詩人白居易的《琵琶行》：「大絃嘈嘈如急雨，小絃切切如私語。嘈嘈切切錯雜彈，大珠小珠落玉盤。」
創作背景源於白居易因直言上諫得罪權貴，遭貶謫為江州司馬，以「大珠小珠落玉盤」形容正直之聲，不敵「嘈嘈切切錯雜彈」的弄臣之音。

魏晉南北朝時期，驃騎將軍王濟是名士衛玠舅舅，王濟容貌俊美、儀態爽朗，每次站在外甥衛玠身邊時，總會感到自慚形穢，不禁感嘆：「珠玉在側，覺我形穢！」（意思是看到珍寶美玉在身旁，覺得自己相形見絀）。
後來演變為「珠玉在前」。

「珠」同「玉」成對出現，唔再係講實物，而係比喻人才（如「珠聯璧合」），比喻文章詞藻（如「珠璣滿目」）。

東漢時期的合浦郡（今廣西合浦縣）盛產珍珠，太守貪婪暴虐，過度採撈，導致珍珠紛紛遷移至鄰近的交趾郡，當地百姓因而陷入飢荒。
孟嘗後來出任合浦太守，革除弊政、停止濫採，不到一年珍珠便又重返合浦，恢復繁榮，稱為「合浦珠還」，引申為失而復得。

大將韋端晚年得了兩個兒子元將與仲將，兩人皆才華出眾、品德優良。
孔融在《與韋端書》信中笑稱「不意雙珠近出老蚌」，意思是沒想到這兩顆珍貴明珠，竟然出自年邁的韋端夫婦（老蚌）身上。
這段佳話演變成了後世的成語「老蚌生珠」。

你一定聽過人讚：「字字珠璣。」
用返「珠」嘅原意去睇，一粒珠，係長時間慢慢包、慢慢磨出嚟。

一篇好稿，亦都係經過不斷打磨、修改、沉澱。

「珠」係咁樣提醒我哋，真正靚嘅嘢，多數係「積累出來」，唔係「即刻生產」。

例如「連珠」，本來係珠串成一線，後來變成一種文體名，追求句句緊扣、環環相連，就好似一串珠咁。

做節目，如果可以「珠聯而不散，粒粒有光」，觀眾就覺得好過癮。

「劍號巨闕，珠稱夜光。」，前半句我哋之前講過，係講最出名嘅名劍「巨闕」，後半句就係講珠入面最出名嗰種夜光之珠。

「夜光」可以係一種特別會自發光、或在極微光下仍然明顯嘅珠，後世統稱「夜明珠」，多半已經同寶石、傳說混埋一齊。
「夜光珠」是因為蚌長期食發光藻，發光物質藏在珠內，因而發光，屬非常罕有。

日頭到處都光，珠再光都唔突出，夜晚先見真章，四周一片暗，仲見到佢嗰點光，先叫「珍」。

前面用「劍號巨闕」，劍嘅頂級代表係巨闕。

後面「珠稱夜光」，珠嘅頂級代表就係夜光之珠。

講劍，就自然諗起巨闕，講珠，就自然諗起夜光珠，好似而家講手機相機，好自然會諗起幾個大牌子咁。

喺結構上，《千字文》呢兩句係想話：兵器有其極致之「利」，寶物有其極致之「明」。

利同明，都係一種「可畏、可用」嘅力量。

有啲人喺黑暗時反而發光，喺公司裁員潮裏面仍然講人情，喺情緒低氣壓底下仲肯撐人一把，喺資訊混亂嘅年代仲肯查證、講實話。

呢啲，就係現代版「夜光之珠」。

《韓詩外傳》記戴，古人認為魚的眼珠乍看之下很像珍珠，容易讓人混淆。後來常被用來形容不肖商人以劣質品冒充高級品，或是用仿冒品欺騙消費者，成語「魚目混珠」由此而來。

用「珠」字，送畀大家：「成為生命入面嘅夜光珠，先至唔會畀人魚目混珠。」