https://e.pcloud.link/publink/show?code=kZkTcoZOc9vjcVjbiYVeFghAPzgVjfO2kik

今集講「服」字

甲骨文嘅「服」
左邊係一艘船
中間係一個人
面向左邊跪低

右邊係一隻手
按住跪喺度嘅人
個頭或者個背脊

「服」就係將一個人押上船
意思係用武力押送流放犯人

《尚書·舜典》：
「四罪而天下咸服。」

四罪係中國神話入面
危害天下嘅四柱惡神
共工、驩兜、鯀、三苗

四柱惡神獲罪被懲罰後
天下嘅人都服從

「咸服」係以德行同埋公正懲戒
使人從內心信服、歸附
而唔係武力壓服

《周易·繫辭下》：「服牛乘馬
引重致遠，以利天下。」

服牛乘馬：
馴化並使用牛與馬等動物
引重致遠：用牛拉重物，用馬行遠路
發揮各自長處
以利天下：讓人類生產與交通更便利
造福社會大眾

呢度個「服」係馴服

《詩·鄭風．大叔于田》兩服上襄

「兩服」係古代用四匹馬拉嘅車
中間兩匹夾住車轅嘅馬
上襄係上駕，形容馬匹極為優秀
奔跑喺前或超越群馬

呢度嘅「服」係夾住咁解

《論語·為政》：
哀公問曰：「何為則民服？」
孔子對曰：「舉直錯諸枉，則民服；
舉枉錯諸直，則民不服。」

哀公問：「怎樣才能使百姓心服？」
孔子回答：「提拔正直嘅人
畀佢哋管理嗰啲邪惡嘅人
百姓就會心服
如果提拔邪惡嘅人
畀佢哋管理正直嘅人
百姓就唔會心服。」

「心服」係心入面感到服氣、佩服

先秦莊周《莊子·雜篇·寓言》：
「利義陳乎前
而好惡是非直服人之口而已矣
使人乃以心服，而不敢蘁立
定天下之定。」

意思係功利與道義擺在眼前時
一般嘅好惡是非
往往只能讓人嘴巴上說服氣
無法真正安定天下
唯有讓人的內心真正感到誠服
無反抗嘅諗法
才能真正定下天下嘅秩序

成語「口服心服」由此而來

《孟子·公孫丑上》，孟子曰：
「以力假仁者霸，霸必有大國
以德行仁者王，王不待大
湯以七十里，文王以百里
以力服人者，非心服也，力不贍也；
以德服人者，心悅而誠服也
如七十子之服孔子也
詩云：自西自東，自南自北
無思不服，此之謂也。」

孟子說：
「用武力假借仁義嘅人可以稱霸
所以稱霸必須是大國
用道德實行仁義令到天下歸順嘅人
唔使依靠國家遼闊：
商湯王只有方圓七十里
周文王只有方圓一百里
用武力征服其他人
其他人唔係真心服從佢
只不過係力量唔夠
用道德令到人歸服，係心悅誠服
就好似七十個弟子歸服孔子咁樣
《詩經》話：從西從東，從南從北
無不心悅誠服
正係講呢種情況。」

「心悅誠服」
係由衷感到愉快真心佩服、服從

《論語·為政》：子夏問孝
子曰：「色難。有事弟子服其勞
有酒食先生饌，曾是以為孝乎？」

子夏問甚麼是孝
孔子說：「孝最難係和顏悅色
子女為長輩做一啲嘢
畀老人隨意食酒肉
如果只係做到出力同埋畀吃食
點可以算係盡咗孝道？」

呢度嘅「服」
無咗「被逼」嗰種味道
變成承擔、從事

呢度嘅「弟子」係「子弟」唔係學生
「先生」唔係老師，係「長者」

《千字文》：始製文字，乃服衣裳

「乃服衣裳」嘅「服」
係動詞「穿着」

「服」呢個字
而家嘅部首寫成「月」字
其實最初係「舟」
同月亮完全無關係

《虞書 ‧ 臯陶謨》
「天命有德，五服五章哉。」

天命有德：上天順應有德行嘅人
依佢嘅功德授以爵祿
五服：天子、諸侯、卿、大夫、士
五等官服與爵位等級
五章：衣裳上繪繡的五種彩色花紋
（如黼、黻等），用嚟區別尊卑等差

《天水訟》上九：
「或錫之鞶帶，終朝三褫之。」
意思係雖然得到賞賜大帶官服
但在不到一天之內就被三次剝奪

《尚書·虞書·益稷》「敷納以言
明庶以功，車服以庸。」

意思係廣泛採納佢哋嘅意見
明確考察佢哋嘅政績
賞賜車馬衣服作為酬勞

《老子》八十章
「甘其食，美其服。」

甘其食：唔追求山珍海味
對簡單食物感到滿足和香甜
美其服：唔羨慕華麗錦繡
對樸實嘅衣着感到舒適合意

呢度嘅「服」係衣服

《楚辭·涉江》：
「余幼好此奇服兮。」

意思係我從小就特別喜好奇裝異服
到如今年歲已老，興趣卻毫不減少

「奇服」係新奇服裝或怪異服飾
喺古代文學入面
常比喻高潔志行與不隨波逐流品格

有好多詞語同「服」同「唔服」有關

大家仲記唔記得
電視節目《鬼馬雙星》
「問你服唔服」同埋「點解我要服」

以勢服人口，以理服人心
意思係使用強權或勢力
只能讓人表面上屈服
真理與道理至可以讓人內心信服

正人先正己，己正人才服
意思係想要管教或要求別人之前
自己必須先做到正直、端正
自身行得正，別人自然會心悅誠服

服服帖帖原意係衣服貼身
其後解作溫順或謙恭服從跟隨

2024年11月22日
哈薩克國務顧問葉爾蘭∙卡林
參訪中國人民大學
以「哈薩克的改革和中哈
永久全面戰略夥伴關係」演講

中國人民大學學者王憲舉提到
「哈薩克小孩很多
女大學生怎麼能夠這麼相信你們的話
老老實實的、服服帖帖的
就這麼生孩子，早生、多生？」

網民對王憲舉的提問表達強烈不滿
痛批拿女性當生育工具

服軟係在壓力之下屈服
最早見於明代
《金瓶梅詞話》第七十四回
「怪硶貨，我是你房裏丫頭
在你跟前服軟？」
用以描述主僕關係嘅態度

「怪硶貨」係唔乾淨
令人嫌惡嘅人或物

服軟唔服硬係只接受溫和態度
毫不畏懼強硬態度同埋措施