【案探行動】坪輋滅門案


案發時間:2009年7月5日
案發地點:打鼓嶺坪輋村五洲路
死者:譚成輝 (44歲)、唐恩儀 (34歲)、譚曉文 (10歲)、譚曉盈 (7歲)
兇手:許勝其(43歲)

案情:表弟因財失義殺表兄一家四口,屍體埋在家外空地洞坑。

判決:被告許勝其三項謀殺罪成,判處終身監禁,另外就誤殺罪則判入獄9年。

https://www.facebook.com/frogwong/videos/oa.745671032454819/10155734425961437/?type=3
https://akoe123.blogspot.com/2018/11/blog-post_74.html

-----------------

文:豹魁
「今次案發現場團隊成形啦,要搵啱咀形、啱Channel嘅好拍擋,難搵過恐龍化石,我就搵到兩個,你呢?今次發起人竟然係亞Pat ,仲要單案咁兇狠,似乎佢已經上咗呢舖癮,好有潛質做宅女 (凶宅),pat醒目有備橋 (車) 同帶咗七武器之首,如果行路搵肯定位列仙班做咗鐵拐李,圍村門牌號碼同六合彩攪珠一樣,係估唔到下個門牌係開咩Number,google maps 成日靈犀一指 (老X點),科技嘅嘢一日千里,指意佢咪一日行成千里囉,呢嗰時候更係問土地啦 (當地居民),如果咁大單案都唔知就拆佢祠堂啦,不過你問完之後,佢都問番轉頭去嗰度做乜?我通常都會咁回答:「其實我地係[保育案發現場文化遺產組織],我叫案九,我地會封鎖現場,進行大規模地氈式搜索,科學鑒證,抽取糞便同DNA樣本留呢記念,之後拍攝案件重演,參加威尼斯影展!」嘻嘻⋯⋯唔係講笑,今日案發現場第日可能變成骨灰龕場、貨櫃場、燒烤場⋯⋯雖然只係影幾張相,都係為本土奇案留個存檔,其實同考古學家搵恐龍化石一樣,意義重大,呢啲响王sir嗰度學番呢嘅,Pat處女下海、亞元越寫越好,大家唔好孤寒,留言比啲鼓勵啦!thx!」
「特別嗚謝山寨王 (王sir) 提供寶貴意見,另外多謝花家姐,係佢叫我去荔景 (姊妹花情殺案) 影相,搞到我不能自拔,多得你唔少,感謝兩位好拍擋 (亞元、pat)陪我一齊癲,錫晒你地!」(2015年12月19日)

文:Pat
【到訪後記:坪輋冷血滅門案】
兇手係滅門案男死者既表弟,處理屍體既冷靜令我震驚亦留下深刻印象…..约好了亞元和豹魁到案發現塲拍攝的早兩天,因希望能順利,強迫男友陪我先闖一趟,但因不熟路,去到坪輋己天黑,又比狗追,只好打到回府!

因己有經驗,下午4時多,一行三人先在坪輋路士多食個麵,豹順便問老板兇宅位置;因村屋既門牌不是順序的,好不容易找到了,正確位置係五洲路入,天后廟附近!

因我一早知 (凶屋) 係被高高既鐵皮包圍的,所以我帶備高櫈,豹一馬當先爬上去,但只見一片空地,非常失望,離開時,豹心心不忿再問一個正在自己後園既男孩,幸好再問,原來剛才那空地不是正確位置~~~那男孩指著我們身後既一間廢屋,终於找到了!

鐵皮圍牆太高,我上到高櫈都望不到,豹將我整個抬起由地面慢慢升高直至越過圍牆那一幕,至今仍瀝瀝在目,非常震憾!眼前一切跟多年前從報章上見到的是一模一樣!!!

……………再續~靈異事件

入黑了,四周一片寂靜,雖然未能進入凶屋 (因兩扇門都被鐵練鎖上) 但我們當時身處既地方跟埋屍位置只是一門之隔(我口中唸唸有詞~你們安息吧,到天家要快快樂樂呵!)………忽然聽到怪聲是從屋內傳出 (圖07),似蟬叫 (註:蟬多是秋天出沒,現在己經入冬)……是巧合?是他們………???我們不敢多想;繼續拍攝…………回家後再睇相片,竟發現相片裏;其中一間屋著了燈 (圖08) (案發現場是由幾間屋組成),不禁有點心寒為何攝影當時沒有發覺!!!

------------------

《山寨探案實錄》
案探行動組:豹魁、 Pat、元方

督導:王Sir (重案組黃Sir)

圖片:案探行動組拍攝

案探日期:
2015年12月1日
2016年4月3日

廣告

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s